Байгууллага танилцуулах арга хэмжээ зохион байгуулав.

БНСУ-ын Сөүлийн Их Сургуулийн Боловсролын сургууль (College of Education, Seoul National University)-ийн зүгээс ШУА-д хандаж, солонгос судлалтай холбогдох судалгаа шинжилгээний ажилтай танилцах хүсэлт явуулсны дагуу 4 дүгээр сарын 4-ний өдөр байгууллага танилцуулах арга хэмжээ зохион байгуулав.

Өнөөдрийн арга хэмжээнд ШУА-ийн дэд ерөнхийлөгч, академич Ц.Цэрэндорж нээлтийн үг хэлж, “Шинжлэх Ухааны Академийн солонгос судлал” сэдвээр илтгэл хэлэлцүүлэв. Мөн Олон улс судлалын хүрээлэнгийн эрдэм шинжилгээний ажилтан Д.Мягмар “Олон улс судлалын хүрээлэнгийн солонгос судлал”, Хэл зохиолын хүрээлэнгийн эрдэм шинжилгээний ажилтан, доктор (Ph.D) Д.Уртнасан “Хэл зохиолын хүрээлэнгийн солонгос хэл судлал” илтгэл хэлэлцүүлж, тухайн хүрээлэнгүүдийн судалгаа шинжилгээний ажлыг танилцууллаа.





Сөүлийн Их Сургууль бол БНСУ-ын хамгийн шилдэг их сургууль бөгөөд тус сургуулийн харьяа Боловсролын сургууль нь “Гадаад хүнд солонгос хэл заах хөтөлбөр (Instructional Leadership Program for Korean as a Foreign Language, KFL)-ийг жил бүр хэрэгжүүлж, солонгос судлал хөгжиж буй улс оронд очиж судалгаа шинжилгээ, сургалтын орчинтой танилцдаг уламжлалтай ажээ.