ГОНЧИГДОРЖ

АКАДЕМИЧ РАДНААСҮМБЭРЭЛИЙН ГОНЧИГДОРЖ

Математикч, математикийн багш

1953 онд Архангай аймгийн Цахиур суманд төрсөн.

1975 онд Монгол Улсын Их Сургуулийг математикч, математикийн багш мэргэжлээр төгсжээ.

1981 онд ЗХУ-ын Новосибирск хотын Улсын Их Сургуульд “Многообразия ассоциативных алгебр с дистрибутивным произведением подмногообразий” сэдвээр физик-математикийн ухааны дэд эрдэмтэн (Ph.D)-ий, 1991 онд Унгарын ШУА-ийн Математикийн хүрээлэнд “Direct product and sheaf Representations of ring and Their Rings of Quotients” сэдвээр физик-математикийн шинжлэх ухааны доктор (Sc.D)-ын зэрэг хамгаалсан. 1998 онд Монгол улсын ШУА-ийн жинхэнэ гишүүнээр сонгогдож, академич хэргэм хүртжээ.

1975-1988 онд МУИС-ийн Физик-математикийн факультетад багш, 1988-1990 ШУА-ийн Математикийн хүрээлэнгийн захирал, 1990-1992 онд Монгол Улсын Дэд ерөнхийлөгч, Улсын бага хурлын дарга, 1992-1996, 1996-2000, 2004-2008 онуудад Монгол Улсын их хурлын гишүүн, 1996-2000 онд Монгол Улсын их хурлын даргаар ажиллаж байжээ.

2006 онд Шинжлэх ухааны гавьяат зүтгэлтэн цол, 2009 онд Сүхбаатарын одон, 2010 онд Чингис хааны одон, 2005 онд МУИС-ийн Математикийн хүрээлэнгийн Хүндэт доктор цолоор тус тус шагнуулжээ.

Алгебр, цагаригийн онолын чиглэлээр зонхилон судалгааны ажлаа хийж байна.