ТОГОО

АКАДЕМИЧ РАВДАНДОРЖИЙН  ТОГОО

Физикч, физикийн багш

1949 онд Сүхбаатар аймгийн Мөнххаан сумын Соронзон уул хэмээх газар төржээ.

1959-1967 онд Бүрэнцогт уурхайн дунд сургууль, 1967-1969 онд  Баруун-Уртын 10 жилийн дунд сургуулийг дүүргэж, 1969-1975 онд МУИС-ийг физикийн багш мэргэжил, физикч мэргэшлээр төгссөн. 

1989 онд ОХУ-ын Дубна хотын ЦШНИ-д  “10 ГэВ-ийн кумулятив рС үйлчлэлийн судалгаа” сэдвээр физик математикийн шинжлэх ухааны дэд эрдэмтэн, 1993 онд “Релятив цөмийн мөргөлдөөн дэх хоёрдогч бөөмсийн бүлгэлчлэх процесс” сэдвээр физик математикийн шинжлэх ухааны доктор (Sc.D)-ын зэрэг хамгаалсан. 2011 онд Монгол улсын ШУА-ийн жинхэнэ гишүүн, академич хэргэм хүртжээ.

1975 онд ШУА-ийн Физик технологийн хүрээлэнгийн Их энергийн физикийн тасагт эрдэм шинжилгээний дадлагажигч, 1978 онд эрдэм шинжилгээний дэд ажилтан, 1984 онд ОХУ-ын ЦШНИ-ийн их энергийн лабораторид ЭША, 1995 онд ШУА-ийн ФТХ-ийн Их энергийн физикийн лабораторид эрдэм шинжилгээний тэргүүлэх ажилтан, 2006 оноос ХБНГУ-ын Хамбург, ДЕЗИ Н1 хамтран ажиллаж байна. 

2000 онд Шинжлэх ухаан, шашин бодлогыг олон түмэнд түгээн дэлгэрүүлэх чиглэлээр нийгэмд үйлчилдэг “Өв эрдэнэ” ТББ-ын тэргүүн, 2010 онд ШУА-ийн Физик-Математик-Химийн салбарын бага чуулганы гишүүнээр сонгогджээ. 

2001 онд Алтан гадас одонгоор шагнагдсан. 

Их энергийн болон эгэл бөөм, цөмийн физикийн судалгаагаар зонхилон ажиллаж байна.